Është finalizuar me sukses bashkëpunimi dhe koordinimi i veprimeve mes Policisë Kufitare dhe strukturave doganore në Portin e Durrësit ç’ka çoi në sekuestrimin e 294,030 euro.
Prej operacionit të kryer është arrestuar në flagrancë 1 drejtues mjeti, 1 tjetër është proceduar dhe është shpallur në kërkim pronari i firmës që merrej me transportin e mjeteve.
Shërbimet e Policisë Kufitare në bashkëpunim me strukturat doganore kanë shtuar kontrrollet në daljet dhe hyrjet e Portit të Durrësit. Si rezultat iu nënshtruan kontrolleve 2 kamionë të cilët transportonin mjete Itali-Shqipëri, me drejtues shtetasit F. M., dhe A. L.
Shtetasi me banim në Lezhë, F. M., u arrestua në flagrancë pasi gjatë kontrollit në automjetin e tij gjetën të fshehura në pjesë të ndryshme të mjetit një sasi vlere monetare prej 282 265 eurosh.
Kontrolli i automjetit tjetër me drejtues 34 vjeçarin A. L., ku në çantën personale të tij, u gjetën dhe sekuestruan 11 765 euro çoi në procedimin penal të tij për veprën penale “Mosdeklarimi i të hollave dhe sendeve me vlerë në kufi”.
https://streamable.com/43l6ej
Në vijim u bë shpallja në kërkim e 36 vjeçarit E. J., pronarit të firmës transportuese për veprën penale “Pastrimi i produkteve të veprës penale ose veprimtarisë kriminale”. Materialet i kanë kaluar Prokurorisë së Rrethit Gjyqësor Durrës, për veprime të mëtejshme.
e.h/DRONI.al/
