Joe Biden është vetëm një hap larg fitores së zgjedhjeve Presidenciale pas fitores se projektuat ne Michigan dhe asaj ne Wiskonsin. Sipas “Foxnews”, Biden ka arritur shifrën e 264 votave elektorale, vetëm 6 larg triumfit, numrit magjik, 270.
Kjo do të thotë se nëse arrin që të triumfojë në Nevada, që ka 6 vota, ngjitet në Shtëpinë e Bardhë.
Por si është situata në Nevada?
Joe Biden kryeson me 49.3% të votave, ndërsa Donald Trump e ndjek me 48.7%, kur janë numëruar 75%.
Por kontestimet nuk mungojnë nga Presidenti aktual, jo vetëm Donald Trump, por edhe familja. Këtë herë ka qenë Eric Trump, i cili akuzon se ata (demokratët) po bëjnë kërdinë në zgjedhje.
“Ata po shkatërrojnë procesin zgjedhor në këtë vend” tha Eric Trump, referuar demokratëve, duke folur në Filadelfia.
Kur janë numëruar 98% e votave, kandidati demokrat udhëheq me 1.2% të votave.
Si po humbet Michigan
Michigan ka qenë historikisht bastion demokrat me përjashtim të 4 viteve më parë kur i besuan Trumpit, por rikthehen sërish te tradita duke i besuar Joe Biden. Michigan ka 16 vota elektorale.
Per Michigan, Trump ka kerkuar pezulimim e numerimit të votave, pasi sipas tij nuk i ishte dhënë qasje e mjaftueshme në vendet e numërimit të votave për të vëzhguar hapjen e kutive të votimit.
2% e fundit që nuk janë numëruar nuk parashikohet që të përmbysin rezultatin sipas projeksioneve të CNN.
