Nje gjyqtar i Gjykates se Posacme antikorrupsion dha doreheqjen nga sistemi. Këshilli i Lartë Gjyqësor ka pranuar kërkesën për dorëheqje nga detyra të gjyqtarit Fran Prendi dhe ka vendosur t’i heqë statusin e magjistratit.
“Arsyeja e dorëheqjes ka qenë angazhimi në një aktivitet privat”, shpjegoi për BIRN koordinatori për të drejtën e informimit pranë KLGJ-së, Elis Kuçi.
Në vendimin e KLGJ-së thuhet se gjyqtari Prendi e ka humbur të drejtën e ushtrimit të detyrës më datë 30 tetor. Gjithashtu, njoftohet e drejta e ankimit brenda 15 ditëve në Gjykatën Administrative të Apelit.
Prendi e ka filluar karrierën në vitin 1995 në gjykatën e Pukës dhe ne vitin 2006 është transferuar në Gjykatën e Shkallës së Parë për Krime të Rënda./DRONI.al/
