Një 69-vjeçar ka humbur jetën mbrëmjen e së enjtes në Roskovec, pasi dyshohet se ka pësuar arrest kardiak gjatë një konflikti mes djalit të tij dhe një shtetasi tjetër.
Sipas informacionit paraprak të Policisë, rreth orës 20:00, shtetasi me iniciale B. V., banues në Roskovec, është dërguar pa shenja jete në Qendrën Shëndetësore Roskovec.
Nga veprimet e para hetimore rezulton se 69-vjeçari ka qenë i pranishëm në momentin kur ka ndodhur konflikti i çastit, por nuk ka qenë i përfshirë në të. Dyshohet se ai ka pësuar arrest kardiak si pasojë e situatës.
Grupi hetimor, nën drejtimin e Prokurorisë, vijon punën për zbardhjen e plotë të rrethanave dhe shkaqeve të ngjarjes.a.b
