ISIS ka marrë përgjegjësinë për sulmin terrorist që ndodhi një natë më parë në Vjenë ku humbën jetën 4 persona dhe janë plagosur 17 të tjerë.
Shteti Islamik ka dhënë një deklaratë për mediat, ku paraqiti fotografinë e autorit nga Maqedonia e Veriut, Kujtim Fejzullai, që ndryshe njihej me emrin “Abu Dagnah Al-Albany”.
Autori 20 vjeçar ka sulmuar me një armë dhe një automatik turmën e qytetarëve në Vjenë, e më pas është vrarë nga policia austriake.
Një vit më parë Fejzullai ishte dënuar për përpjekjen për t’u bashkuar me grupin në Siri, por u lirua në dhjetor, dhe mashtroi autoritetet duke respektuar një program deradikalizimi.
Shqiptari nga Tetova kishte premtuar besnikëri ndaj ISIS në një postim në Instagram disa orë para ngjarjes.
e.h/DRONI.al/
