Qeveria holandeze e ka bërë zyrtar vendimin e saj kundër mbledhjes së tryezës së parë ndërqeveritare mes Shqipërisë dhe Bashkimit Evropian.
Kjo tryezë konfirmon nisjen zyrtare të negociatave, por sipas Holandës, Shqipëria nuk i ka plotësuar ende kushtet e kërkuara nga Këshilli Evropian.
Ngritja e Gjykatës Kushtetuese, Gjykatës së Lartë dhe lufta kundër korrupsionit e krimit të organizuar mbeten kushte të paplotësuara nga Qeveria Shqiptare për holandezët. Prandaj qeveria holandeze propozon që negociatat me Tiranën të zyrtarizohen në një moment tjetër.
Lidhur me Maqedoninë e Veriut, Amsterdami zyrtar nuk ka nxjerrë asnjë pengesë dhe tryeza e parë ndërqeveritare mund të thirret sa po të jetë gati korniza e negociatave.
Vendimet e Qeverisë i kanë kaluar tashmë Parlamentit holandez që pritet të marrë vendimin përfundimtar.
e.h/DRONI.al/
