Një baba në Serbi ka lënë fëmijën 2-vjeçar të mbyllur në makinë për 3 orë.
Ngjarja e rëndë ka ndodhur në Novi Sad të Serbisë dhe dyshohet që gjatë kohës që fëmija ishte i mbyllur në makinë, i ati po luante lojëra fati në anën tjetër të rrugës.
Sipas mediave serbe policia ka arrestuar 45-vjeçarin me akuzën se ka kryer veprën penale të neglizhencës dhe abuzimit të një të mitur.
Zbulimi i vendit të vajzës është bërë i mundur në bashkëpunim me qytetarët. Rreth orës 22 të mbrëmjes vajza dy vjeçare u gjet e mbyllur në një makinë të parkuar.
Në bashkëpunim me Qendrën për Punë Sociale, vajza iu kthye nënës së saj.
/DRONI.al/
