Kryetari i AAK-së, Ramush Haradinaj, është shprehur se shpreson në një marrëveshje për postin e presidentit, përndryshe vendi do të shkojë në zgjedhje.
Partia e tij shpalli kandidaturën e Haradinajt për president në gusht të këtij viti.
Megjithatë takimi që u realizua një ditë më parë midis Thaçit, Veselit dhe Haradinajt nuk solli një vendim përfundimtar. Në një intervistë për T7, ish kryeministri Haradinaj u shpreh që është në diskutim me partnerët për këtë çështje.
Nëse në përfundim nuk gjendet një zgjidhje që ai të bëhet President, sipas Haradinaj vendi do të shkojë në zgjedhje. Ish kryeministri nuk e mohon mundësinë e përfshirjes së PDK-së në qeveri ndërsa shtoi se pret të hidhet poshtë aktakuza ndaj Thaçit e Veselit.
/DRONI.al/
