Kryetari i Partisë Demokratike, Lulzim Basha ka reaguar në Twitter për çmimin që BE i akordoi gazetares Klodiana Lala për investigimin “Përgjimet zbulojnë rolin e krimit të organizuar në blerjen e votave”.
Sipas Bashës kjo është një tjetër dëshmi që vërteton se krimi elektoral i 2017 ka ndodhur, e ka parë dhe e ka pranuar e gjithë bota.
Basha tha që faktet janë në dosjen 339 dhe 184, por drejtësia nuk vepron pasi është kapur nga Edi Rama.
Basha shpreh vlerësim për investigimin e gazetare Klodiana Lala e shton që BE e ka dhënë mesazhin që drejtësia duhet të ngrihet në nivelin e investigimit të gazetares Lala dhe të cojë përpara drejtësisë organizatorët dhe ekzekutorët e krimit elektoral të vitit 2017.
Ai cilëson ndëshkimin e krimit elektoral të vitit 2017 si një nga 15 kushtet kryesore për nisjen e bisedimeve të antarësimit midis BE dhe Shqipërisë.
/DRONI.al/
