OFL i ka dërguar formularin e deklarimit të pasurisë tre personave të dënuar për krime të rënda, siç është vrasja me paramendim apo veprat terroriste.
Mësohet se bëhet fjalë për Andre Nikollin, Besnik Lekgegajn dhe Besmir Luginën.
Nikolli dhe Lekgegaj janë të dënuar për vrasje me paramendim të kryer në bashkëpunim, kurse Lugina rezulton i dënuar për një tjetër vepër të rendë, siç është “Vepra me qëllime terroriste”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
/DRONI.al/
