Zall-Herri i harruar dhe izoluar ka nevojë për një frymë të re dhe normalitet, komentoi ne nje postim ish deputetja e PD, Jorida Tabaku.
“Sot isha në fshatin e bukur të Zall-Herrit, i harruar ndonëse pjesë e Tiranës, i injoruar nga një pushtet që mendon për liderët vendorë si feudalët e dikurshëm. Banorët e Zall-Herrit, Qinamit dhe Kasallës të cilët pata mundësi t’i takoj shprehnin një pakënaqësi deri në duf ndaj një rregjimi që i ka lënë si në mesjetë.
Liderët vendorë i trajtojnë si skllevër duke i parë nga duart dhe jo duke u zgjidhur hallet. Prandaj sot në vitin 2020 këtyre zonave i mungon rruga, uji i pijshëm dhe i ujitjes, ndërsa vendi vuante papunësinë që po shndërrohet në shkakun kyç për boshatisjen e fshatit. Familje të vjetra që kanë votuar qeverisjen socialiste në pikën e hallit që vuajnë për bukën e gojës sepse një furgon nuk mban dot një familje, toka e lënë e thatë sepse nuk ka ujë ndërsa asnjë përfaqësues i qeverisë nuk kujtohet për ato”, deklaroi ish deputetja Tabaku. /DRONI.al/
