Situata në Kakavijë vijon të jetë e rënduar. Me dhjetra emigrantë kanë qëndruar gjithë natën në Kakavijë pasi pikat kufitare me urdhër të palës greke janë të mbyllura gjatë fashës së orarit 22:00-06:00, deri në një njoftim të dytë.
Nderkaq mesohet se pala greke ka pezulluar punën në doganën e Kakavijës. Shkak është bërë lodhja nga fluksi i lartë i emigrantëve shqiptarë që duan të hyjnë në shtetin grek.
Vonesat po shkaktohen nga dyndja e njëkohshme e qindra mjeteve që nxitojnë të hyjnë në shtetin grek para datës 16 gusht, e përcaktuar si afati i fundit kur karantinimi nuk është i detyrueshëm.
Aktualisht ka persona që gjenden në pritje prej më shumë se 8 orësh.
Procedura e përpunimit të dokumentacionit në anën greke të kufirit është e dyfishuar edhe për shkak të kryerjes së testimit me përzgjedhje për Covid-19.
/DRONI.al/
