Zëvendës Ministrja e Drejtësisë Fjoralba Caka ka dhënë dorëheqjen nga funksioni i saj në këtë Ministri.
Lajmin e ka njoftuar vetë Caka ndërsa shprehet se arsyet e dorëheqjes janë tërësisht vetjake dhe nuk kanë lidhje me detyrën dhe aktivitetin e saj.
Fjoralba Caka është emëruar në postin e zëvendësministres së Drejtësisë 1 vit më parë. Emërimi i saj u bë me firmë të zv.kryeministrit Erion Braçe me anë të një VKM-je.
Caka zëvendësoi në këtë post, Teuta Vodën, e cila dha dorëheqjen pas kërkesës së ministres së Drejtësisë Etilda Gjonaj për largimin e saj nga kjo detyrë.
Ministria e drejtësisë muajt e fundit është përfshirë në një seri debatesh pas kallëzimit penal të presidentit Ilir Meta në SPAK, të ministres Etilda Gjonaj dhe dy zyrtarëve të tjerë të këtij dikasteri.
/DRONI.al/
