SPAK dhe SHÇBA kanë arrestuar një punonjës policie në Komisariatin e Kavajës. Arrestimi i tij është bërë pas finalizimit të operacionit koduar “Golemi”, në funksion të procedimit penal për veprën penale të “Korrupsionit pasiv“.
Në pranga ka rënë I.D., me detyrë specialist i Hetimit të Krimeve në Komisariatin e Policisë Kavajë, për korrupsion.
Ai dyshohet se duke keqpërdorur atributet që i jep detyra dhe funksioni, ka konsumuar veprën penale të “Korrupsionit pasiv”.
Gjatë ushtrimit të detyrës, ai i ka kërkuar një shtetasi një shumë prej 4,000 eurosh me qëllim favorizimin për mos arrestim në flagrancë të djalit të tij. I riu kishte kundërshtuar Patrullën e Policisë, duke thyer Aktin Normativ gjatë pandemisë.
/DRONI.al/
