Prej ditës së sotme hapen të gjitha vendkalimet kufitare në Republikën e Maqedonisë së Veriut, ku vendasit dhe të huajt do të lëvizim pa pengesa, pa detyrim testi COVID-19 dhe pa karantinë të detyrueshme.
Vendimi u mor nga qeveria mbi bazë të rekomandimeve të Komisionit për Sëmundje Infektive.
Qeveria mori vendim që më 1 korrik të hapen për qarkullim edhe aeroportet e Shkupit si dhe ai në Ohër.
Mbetet si detyrim respektimi i rekomandimeve për mbajtjen e pajisjeve mbrojtëse personale, mbajtjes së distancës dhe dezinfektimet e shpeshta.
Sipas autoriteteve shëndetësore, hapja e kufijve nuk paraqet rrezik të dukshëm për rritjen e numrit të rasteve të reja.
/DRONI.al/
