Kryeministri i Bullgarisë, Boyko Borissov hyri pa maskë në një kishë dhe për këtë do të dnëshkohet. Ai do të gjobitet me 174 dollarë, pasi ka thyer një nga rregullat për parandalimin e përhapjes së koronavirusit. Ndëshkimi vjen si pasojë e shkeljes së vendimit për përdorimin e maskës gjatë një vizite në kishë.
Ministria e Shëndetësisë deklaroi se do të ndërmerret masë ndëshkimore ndaj të gjithë personave që kanë qenë pa maska mbrojtëse në kishë, gjatë vizitës së Kryeministrit.
Vendimi për rikthimin e maskave në ambiente të brendshme publike u mor një ditë më parë si pasojë e rritjes së numrit të rasteve të prekura me koronavirus. /DRONI.al
