Këshilltarët e Presidentit Ilir Meta kanë zgjedhur bluzat me nënshkrimin ‘’Venecia’’ për të ironizuar mazhorancën për draft opinionin nga Komisioni i Venecias për emërimet e gjyqtarëve në Gjykatën Kushtetese.
Drejtori i Kabinetit Arben Cici, zëdhënësi Tedi Blushi, Këshilltarja për Integrimin Evropian Ilda Zhulali, Këshilltari për Çështjet Ligjore, Administratën Publike dhe të Drejtat e Njeriut Bledar Dervishaj si dhe Drejtoresha e Përgjithshme e Shërbimeve Juridike në Presidencë , Ketrin Treska janë fotografuar së bashku.
Bledar Dervishaj ndërsa ka publikuar foton, shkruan “Qershori i dytë”.
Komisioni i Venecias miratoi sot opinionin e vet përfundimtar lidhur me përplasjen e vjeshtës së kaluar në Shqipëri, mes presidentit Ilir Meta dhe shumicës socialiste në parlament, për emërimet në Gjykatën Kushtetuese.
/DRONI.al
