IKMT ka zhvilluar operacion kundër krimeve mjedisore në Berat duke gjobitur 5 subjekte.
IKMT ka ushtruar sot kontroll në guroret në zonën e Beratit dhe në Urën Vajgurore.
Gjatë këtij kontrolli u konstatua mungesë dokumentacioni gjatë ushtrimit të veprimtarisë së prodhimit dhe përpunimit të gurit, në 5 subjekte.
Ndaj këtyre subjekteve IKMT mori masë administrative me gjobë 1 milion lekë secili, për shkeljet e kryera.
Nje dite me pare IKMT zhvilloi nje tjeter kontroll kundër krimeve mjedisore përgjatë rrjedhës së lumit Seman, Fier duke gjobitur një subjekt, qe merrte inerte nga lumi Me 2 milione leke.
IKMT ka ushtruar kontroll në subjektin “Alesio 2014” sh.p.k. Gjatë kontrollit u konstatua se ky subjekt kryente veprimtari të marrjes së materialit inert pa leje në shtratin e lumit Seman.
Ndaj tij, IKMT mori masë administrative me gjobë 2 milion lekë, për shkeljen e kryer.
/DRONI.al
