Autoritetet shëndetësore në Tiranë bëjnë me dije se një tjetër çerdhe është drejt mbylljes për shkak të koronavirusit, pasi një edukatore ka rezultuar pozitive.
Burime për A2 bëjnë me dije se bëhet fjalë për çerdhen nr.11 në Laprakë dhe se edukatorja kishte ditë që shfaqte shenja, temperaturë dhe dhimbje kockash.
Mësohet që edukatorja prej ditësh nuk ka shkuar në punë dhe pas konfirmimit me Covid është izoluar në shtëpi.
Ndërkohë edhe dy edukatore të po këtij grupi sot nuk kanë shkuar në punë pasi kanë shfaqur shenja të ngjashme me kolegen e tyre.
Pesë raste të reja me koronavirus janë shënuar në 24 orët e fundit dhe në Lezhë.Mes personave të infektuar me Covid-19 është edhe bashkëshotja e policit të burgut të Shënkollit.
/DRONI.al/
