Një person mbeti i plagosur me armë zjarri në Peqin. Ngjarja u regjistrua mbrëmjen e djeshme rreth orës 20:10 në një lokal afër xhamisë, ku si pasojë e një konflikti të çastit u plagos në këmbë shtetasi i identifikuar si Besmir Hasballa 31 vjeç.
Ai është dërguar për ndihmë mjeksore në Spitalin Rajonal të Elbasanit. Siç mund ta shikoni dhe në foton e bërë vete prej tij nga spitali, tregon që është në gjendje të mirë shëndetësore dhe jashtë rrezikut për jetën.
Ndërkohë policia bëri të mundur identifikimin e autorit, shtetasi Adriatik Mezja, dhe po punohet për kapjen e tij.
”Shërbimet e Policisë dhe grupi hetimor shkuan menjëherë në vendngjarje dhe falë veprimeve të shpejta bënë të mundur identifikimin e autorit të dyshuar të ngjarjes, shtetasin A.M., ku vijon puna intensive për kapjen e tij”, thuhet në njoftimin e policisë.
Hasballa është person i njohur për policinë pasi sipas informacioneve në 2008 ka bërë një atentat bashkë me babain dhe 2 miq të tjerë në qendër të Peqinit.
/DRONI.al/
