Një 28-vjeçar ka rënë në prangat e policisë së Krujës, ndërsa është proceduar në gjendje të lirë një i moshuar për kultivim kanabis.
Policia arrestoi në flagrancë shtetasin B. C., 28 vjeç, banues në fshatin Larushk të Fushë Krujës, pasi gjatë kontrollit në oborrin e banesës së tij u gjetën të kultivuar fidanë të dyshuar canabis sativa.
Po gjatë kontrollit, shërbimet e Policisë gjetën në oborrin e banesës së shtetasit I. C., 80 vjeç, gjithashtu banues në Larushk, fidanë e kubikë të kultivuar me fara cannabis sativa.
Për shkak të moshës, shtetasi I. C. u procedua penalisht në gjendje të lirë.
Materialet i kaluan Prokurorisë së Rrethit Gjyqësor Krujë, për veprën penale “Kultivimi i bimëve narkotike”.
/DRONI.al/
