Policia e Shtetit ka mundur të zbulojë një rast të trafikut të farave të kanabisit nga Spanja drejt Shqipërisë, me anë të postës.
Me 14 maj në Doganën e Tiranës ka mbërritur nga Spanja një pako, që për policinë është cilësuar e dyshimtë. Për këtë arsye është bërë këqyrja e pakos dhe në brëndësi u gjetën 11 mijë fara kanabis sativa.
Pakoja nderkohe ka mberritur në Vlorë.
Lidhur me ngjarjen, policia ka arrestuar Olsi Çaushajn, personi që do merrte pakon me 11 mijë fara kanabisi nga Spanja.
Pjesa më e madhe e farave ishin për kultivim në ambiente të mbyllura me llampa ndërsa një pjesë tjetër ishin për t’u kultivuar në natyrë.
/DRONI.al/
