Ministrja e Financave dhe Ekonomisë, Anila Denaj per here te pare, eshte zotuar te flase lidhur me ekonominë, teksa parashikon se në fund të muajit të majit mund të kemi hapje të të gjitha bizneseve, funksionimi i të cilëve është paralizuar nga Covid-19.
Në një intervistë televizive, Denaj tha se fillimisht do të merren vendim për hapje të pjesshme për disa kategori për të arritur që në fund të majit, të gjitha bizneset të jenë aktive.
Hapja do të fillojë në mënyrë të përshkallëzuar. Ne besojmë se nëse situata e përhapjes së virusit do të jetë e kufizuar siç është në rastin konkret, do të ketë shumë më tepër probabilitet që hap pas hapi, deri në fund të majit të kemi një shtrirje për të gjitha bizneset për të funksionuar”, theksoi Denaj.
Në vendin tonë tashmë ka një listë të bizneseve që qendrojnë të hapura, ndërsa pjesa më e madhe e kanë të ndaluar që të ushtrojnë aktivitetin e tyre.
/DRONI.al/
