Gjendja e deputetit Adriatik Alimadhi është përkeqësuar në orët e fundit ndërsa është urdhëruar transferimi I tij në spitalin infektiv.
Alimadhi e bëri të ditur gjendjen e tij ditën e sotme me anë të një statusi në facebook, ku pohoi se ishte infektuar me COVID-19, duke akuzuar mjekët për neglizhencë, pasi kishte dalë me koronavirus që më datë 24 mars dhe askush nuk ishte interesuar më për të.
Në lidhje me trajtimin e tij tashmë në spital ai tha se kjo ndodhi pas ndërhyrjes së drejtuesve të qeverisë.
I kontaktuar nga gazetari Juxhin Mustafaraj, deputeti është shprehur se dërgimi i tij në spital po bëhet pasi ka reaguar kryeministri dhe ministrja e Shëndetësisë.
Deputeti lajmëroi sot se ai dhe bashkëshortja janë të infektuar me koronavirus. Në statusin e tij ku Alimadhi akuzonte kryeministrin Rama për mungesën e infrastrukturës në spitale dhe për autoambulancën e rrënuar, e cila e kishte çuar për në Sanatorium ku edhe bëri analizat.
