Dy kërkueset shkencore shqiptare nga Shtetet e Bashkuara të Amerikës, Detina dhe Argita Zalli bëjnë apel përmes një video-mesazhi nga shtëpia e tyre për të gjithë shqiptarët, që të qëndrojnë në shtëpi.
Ato tregojnë në një intervistë për newës33, se janë edhe 5 vaksina të tjera gati për provë, ndërsa në këtë fillim jave që vjen do të testohet vaksina e parë tek njeriu, pas asaj në Boston.
‘Virusi Korona bën pjesë në një grup virusesh që ndodhen në kafshë, por në raste të rralla transmetohet tek njerëzit siç është rasti i Kovid19. Është një virus që shkakton probleme të traktit respirator, duke filluar nga ftohja por edhe në gjendje më serioze duke shkuar në Sars. Ne si shkencëtar ndjehemi shumë të bashkuar në këtë gjë, jemi duke punuar bashkë me njëri tjetrin, unë së bashku me motrën Argitën jemi duke punuar me disa shkencëtar nga Harëard, për të gjetur më shumë informacione rreth virusit. Por akoma më shumë janë duke punuar shkencëtarët e tjerë të cilët punojnë në laborator dhe që po merren me këtë gjë duke u munduar të gjejnë vaksina.
Zalli deklaroi se Universiteti i Oxfordit pritet të testojë vaksinën e parë kundër Kovid19, deri sa dha informacione se ekzistojnë edhe pesë lloje të tjera të vaksinave, transmeton neës33.
“Për sa i përket vaksinave kemi lajme të mira nga Universiteti i Oxfordit, po testohet vaksina e parë, e cila do provohet fillimisht në kafshë javës tjetër, dhe pritet që në Prill të provohet edhe tek njerëzit. Kjo nuk është vaksina e parë që po testohet janë edhe pesë vaksina të tjera, kështu që shkenca po avancon. Vaksina e parë që është prodhuar është në Boston në Amerikë, e cila i është dhënë një pacienti në SHBA, kështu ka shpresa dhe shkenca po avancon përpara”, thotë Zalli
Ajo u bëri thirrje qytetarëve për kujdes të shtuar, dhe të qëndrojnë sa më shumë në shtëpitë e tyre.
