Kryetari Lulzim Basha ka shkuar diten e sotme në Dajç të Shkodrës ku ka vizituar me fëmijët dhe prindërit e zonës shkollën e mbyllur “Shtjefën Maçi.
Prindërit tregojnë se fëmijët janë zhvendosur larg, në Dajç të ri ose në Shkodër për të ndjekur mësimet. Fëmijët i thanë Bashës se udhëtojnë çdo ditë me furgon në orën 6.30 për të shkuar në shkollë në Shkodër dhe kthehen pas orës 14.00, duke e bërë të mundimshëm rrugën për shkollë.
Shkolla në Dajç u mbyll këtë vit për shkak të pakësimit të numrit të fëmijëve pas largimit nga Shqipëria të nxënësve dhe familjeve të tyre.
Kryetari i opozites u zotua se do te bente gjithçka që njerëzit të mos ikin as nga Dajçi, as nga Shkodra dhe për këtë më duhet ndihma e të gjithëve.
Basha: Ne do të garantojmë shkolla të hapura në çdo cep të Shqiperisë dhe me alternativën tonë për transformimin ekonomik të vendit do t’i japim fund largimit masiv të shqiptarëve.
https://www.facebook.com/lulzimbasha.al/videos/554676198480488/?t=1
/DRONI.al/
