“Presidenti i Francës Emmanuel Macron tha të shtunën se nëse rezultatet e raportit të Komisionit Europian për Maqedoninë e Veriut dhe Shqipërinë do të dalin pozitive, ai do të mbështesë hapjen e negociatave që këto dy vende t’i bashkohen bllokut.” Kështu njofton sot Reuters.
Por duket se Macron nuk ka hequr dorë nga kushtet: “Po e presim raportin në mars…, – ka nënvizuar ai, – në varësi të faktit, se nëse rezultatet janë pozitive dhe krijohet besim, atëherë do të jemi në pozita që të hapim negociatat.”
Deklarata u bë nga Konferenca për Sigurinë që po mbahet në Mynih, njofton Reuters.
Macron kishte refuzuar të aprovonte fillimin e të ashtuquajturave negociata të pranimit në një samit në tetor, duke thënë se procesi i pranimit të anëtarëve të rinj duhej të ndryshonte.
