Janë përkujtuar me heshtje 4 të vrarët e 21 janarit 2011 sot në homazhet që u bënë në Bulevardin “Dëshmorët e Kombit” Në krye të ceremonisë ndryshe nga herët e tjera nuk ishte kryeministri Edi Rama por Taulat Balla, pasi Rama vijon vizitën në Ukrainë si kreu i presidencës së OSBE-së.
Dhe ceremonia e homazheve ishte e heshtur dhe e shkurtër dhe nuk kishte fjalimet që Rama mban çdo vit përpara familjarëve.
Aleks Nika, Ziver Veizi, Hekuran Deda dhe Faik Myrtaj u vranë në bulevardin “Dëshmorët e Kombit” gjatë protestave të opozitës së atëhershme (PS) në atë kohë, në 21 janar 2011.
