Nikollaq Çepaj (Taullaraj) i cili mbeti i plagosur në një atentat me kallashnikov në Vlorë ndodhet ne gjendje te rende ne spital.
Nje plumb e ka kapur në kokë dhe disa plumba në trup. Ai aktualisht po i nënshtrohet ndërhyrjes kirurgjikale. Ndërsa Roland Çepaj është në gjendje të stabilizuar dhe raportohet se është plagosur ne kembe.
Ngjarja ndodhi pasditen e sotme, në lagjen “Kushtrimi”, ku mbeti i plagosur edhe kusheriri i tij 28 vjec.
Nikollaq Cepaj kishte vetem kater dite qe kishte lene burgun dhe është një person me precedentë të rëndë kriminal. Në Maj 2018 ai plagosi me armë zjarri Eraldo Lazajn, 34 vjeç. Asokohe Çepaj u arrestua nga policia dhe u dënua për plagosje të rëndë me dashje. Nuk dihet ende si organet e drejtësisë (prokuroria, gjykata) e nxorën nga burgu Nikollaq Çepajn brenda1 viti e gjysmë. Policia nuk ka të dhëna për autorët e mundshëm, por dyshimet janë se atenati është për hakmarrje.
Policia e Vlorës ka vënë në pranga autorin e plagosjes me armë zjarri në lagjen ”Pavarësia”. Në pranga ka përfunduar Nikollaq Çepaj (Taullaraj), banues në Vlorë.
Në momentin e ndalimit nga policia i sekuestrohet arma me të cilën dyshohet se ka kryer plagosjen si dhe një mjet tip BMË X5.
Ngjarja për të cilën akuzohet Çepaj ka ndodhur më datë 16.05.2018, në lagjen “Pavarësia”, brenda ambjenteve të një lokali ka plagosur më armë zjarri shtetasin Eraldo Lazaj, 34 vjeç.
Në cilësinë e provave materiale është sekuestruar arma e zjarrit tip pistoletë me të cilën dyshohet se shtetasi ka kryer plagosjen dhe 1 automjet tip BMË X5 me targa AA838DS.
Materialet hetimore do t’i referohen Prokurorisë së Rrethit Gjyqësor Vlorë, për veprat penale “Plagosje e rëndë me dashje, kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”. /DRONI.al/
