Në Elbasan është djegur mjeti i një punonjësi policie. Mjeti tip Volkswagen ishte i parkuar në lagjen “28 Nëntori” në Elbasan dhe është në pronësi të shtetasit E.Gj.
Si pasojë e zjarrit mjeti është djegur pjesërisht. Mësohet se automjeti ishte në pronësi të Edvin Gjylit, punonjës i Policisë në Komisariatin Elbasan.
Dyshohet se persona me precedent penalë i kanë vendosur flakën qëllimisht automjetit të tij. Edvibn Gjyli është ish- inspektori i Krimeve të Rënda i cili u pezullua për shkak të rrjedhjes së informacionit për arsenalin e zbuluar disa muaj më parë në Papër të Elbasanit.
Njoftimi
Në lagjen “28 Nëntori”, Elbasan, ka rënë zjarr në mjetin tip “Volksëagen”, në pronësi të shtetasit E.Gj., ( punonjës i Policisë në Komisariatin Elbasan), i cili ishte i parkuar dhe si pasojë mjeti është djegur pjesërisht.
Grupi hetimor ndodhet në vendngjarje dhe po punon për zbardhjen e shkakut të zjarrit dhe dokumentimin e ngjarjes.
/DRONI.al/
