Fenomene të çuditshme po ndodhin në Oqeanin Paqësor, pranë brigjeve të Kalifornisë, është një mister i vërtetë. Sipas Website-i “sciencealert”, shkruhet se në shtratin e detit janë pikasur me mijëra vrima që askush nuk di të thotë sesi janë krijuar.
Ekspertët i zbuluan rastësisht ndërsa po hulumtonin thellësitë e detit në Big Sur, të Kalifornisë.
Studiuesit nga Instituti i Kërkimeve ujore Monterey Bay (MBARI) thonë se vrimat e mëdha, kanë mesatarisht një diametër prej 11 metrash dhe janë një metër të thella. Ata kanë gjetur rreth 15 mijë të tilla. 30% e tyre përmbanin mbetje të natyrës njerëzore, si edhe peshq e krijesa të tjera që i përdorin këto vende si habitatin e tyre.
Një prej teorive kryesore ishte se ky fenomen mund të jetë pasojë e gazit metan, që çlirohet nga nëntoka e që mbase ka lënë pas këto forma të çuditshme.
Por ekipi i specialistëve i cili përdori deri edhe pajisje sonore, nuk arriti të gjente gjurmë metani.
/DRONI.al/
