Disa ndryshime të rëndësishme kanë ndodhur në komisariatet e qarkut të Tiranës. Ende nuk dihen arsyet se pse ka ndodhur kjo fortunë por të paktën tre prej komisarëve kanë ndryshuar pozicionin.
Këto ndryshime prekin disa shefa komisariatesh, nga Tirana, Vora dhe Kavaja.
Sipas informacioneve, se shef i komisariatit në Vorë është emëruar Aliosha Broka, i cili më parë ka drejtuar komisariatin në Kavajë.
Ndërkohë, në Kavajë është emëruar Sali Skura, që ishte shef i komisariatit nr. 5 në Tiranë. Në vend të tij është emëruar Altin Lila. Gjithashtu, ndryshimet kanë prekur edhe shefat e krimeve në disa komisariate.
