Pas ndihmave të para, në ushqime dhe veshje, edhe klubi i Kukësit i është bashkuar nismës për të ndihmuar financiarisht.
Me anë të një postimi në faqen zyrtare, klubi i Kukësit njofton se po ndjek me vëmendje e dhimbje situatën në të cilën është përfshirë vendi ynë, pas tërmetit të ditëve të fundit, i cili shkaktoi dëme në njerëz dhe banesa.
Stafi dhe futbollistët, kanë vendosur që një pjesë të pagës së tyre t’jua kalojnë të prekurve nga tërmeti i së martës.
“Ftojmë tifozët kuksianë dhe të gjithë shqiptarët që të kontribuojnë me çfarë të mundin, për të ndihmuar motrat dhe vëllezërit tanë, të prekur nga kjo fatkeqësi natyrore” lexohet ndër të tjera në postimin e klubit verilindorë.
https://www.facebook.com/FKKukesiAlbania/photos/a.532016900276995/1959534860858518/?type=3
//DRONI.al/
