Prokrurorët italianë e morën në pyetje 11-vjecarin shqiptar, Alvin Berisha, në praninë e një psikologu. Ata dolën në përfundimin se Alvin është ende në gjendje shoku, edhe për shkak të traumës emotive që ka pësuar.
Sipas mediave italiane, djali do t’i nënshtrohet një operacioni në këmbën e plagosur gjatë bombardimit ku humbi jetën nëna e tij Valbona. Ai ka rrëfyer dhe momentet kur ndodhi shperthimi per mediat italiane.
“Mami im vdiq gjatë një bombardimi, unë isha pranë saj por shpëtova”.
“Ishim në një kamp tjetër, jo në Al Hol”- tha Alvin. Për të mësuar kur ka ndodhur bombardimi, do të priten konkluzionet e mjekëve, të cilet do të analizojne plagën e vogëlushit në këmbë.
