Paralajmërimi se këtë të hënë do të ndërhyhej në Unazë i ka gjetur banorët me shkopinj e sfurqe për të mbrojtur atë që e quajnë pronën e tyre.
Mësohet se nga ana e IKMT-së, janë parashikuar të shemben 8 banesa që janë në vijën e projektit të Unazës së Re.
Nga ana e tyre banorët kanë paralajmëruar edhe përplasje me policinë nëse tentohet që të prishen banesat e tyre. Në mbështetje të tyre ka qenë edhe ish-deputeti demokrat Klevis Balliu i cili është shprehur se banorët duan dialog për t’i dhënë zgjidhe çështjes.
Punonjësit e IKMT-së kanë qenë të enjten pranë Unazës së Re për të bërë njoftimin e përfundimit të afatit, për lirimin e banesave.
Prej më shumë se 1 viti banorët e kësaj zone në Tiranë janë në protestë, ndërkohë që tenderi për lotin 1 nga sheshi Shqiponja tek Pallati me Shigjeta është anuluar për parregullsi 2 herë.
//DRONI.al/
