Kreu i opozites Lulzim Basha reagon për deklaratat e Rames ne Ohër. “Deshtimi me integrimin europian nuk mund te zevendesohet nga propaganda anti europiane e nje autokrati te korruptuar”, komenton Basha fill pas konferences se shtypit te 3 kryeministrave ne lidhje me hapjen e kufijve ne Ballkan.
Postimi i Bashes:
Lëvizja e lirë e njerëzve, mallrave, shërbimeve dhe kapitalit është thelbi i integrimit europian dhe Europës së bashkuar. Parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut.
Dështimi me integrimin europian nuk mund të zëvendësohet nga propaganda anti-europiane e një autokrati të korruptuar, shkaktar i prapambetjes ekonomike dhe varfërimit të qytetarëve shqiptarë. Ka ardhur koha që Shqipëria të nxjerrë në dritë potencialin e saj të vërtetë!
