Kryetari i opozitës Lulzim Basha, ka reaguar pas idesë së kryeministrit të Shqipërisë Edi Rama dhe presidentit serb, Aleksandar Vuçiç, për mini-shengenin ballkanik.
Sipas Bashës dështimi në integrimin Europian nuk mund të zëvendësohet kurrsesi nga propaganda antieuropiane e një autokrati të korruptuar.
Postimi i Bashës:
Lëvizja e lirë e njerëzve, mallrave, shërbimeve dhe kapitalit është thelbi i integrimit europian dhe Europës së bashkuar. Parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut.
Dështimi me integrimin europian nuk mund të zëvendësohet nga propaganda anti-europiane e një autokrati të korruptuar, shkaktar i prapambetjes ekonomike dhe varfërimit të qytetarëve shqiptarë. Ka ardhur koha që Shqipëria të nxjerrë në dritë potencialin e saj të vërtetë!
