Kryetari i Partisë Demokratike, Lulzim Basha, do të nisë sot nga Elbasani një tur takimesh në gjithë vendin, njoftojnë burimet nga selia blu.
Mësohet se i gjithë muaji nëntor do ti dedikohet asaj që selia blu e quan “turi i shpresës”, ndërsa Basha do të takojë qytetarët në vend për ti dëgjuar ata dhe për t’iu ofruar alternativën e Partisë Demokratike.
Objektivi kryesor i këtyre takimeve, sipas PD, është projektimi i zgjidhjeve afatgjata për çdo çështje dhe problematikë që vetë qytetarët do të ngrenë përmes pyetjeve të drejtpërdrejta drejtuar kryetarit të PD, z. Basha.
Pas 12 qarqeve, ky tur do të mbyllet në Greqi, ku Basha do të bisedojë me shqiparët që jetojnë atje.
