Një arkitekt është goditur në Vlorë nga dy persona, njëri prej tyre i shpallur në kërkim. Ende nuk dihen arsyet e perplasjes mes tyre.
Burime zyrtare konfirmojnë se është arrestuar në flagrancë shtetasi E.C., 47 vjeç, banues në Vlorë.
“Seksioni i Hetimit të Krimit ka bërë arrestimin e shtetasit E.C pasi dyshohet se në bashkëpunim me shtetasin A.M (shpallur në kërkim), në lagjen “15 Tetori” kanë goditur për shkak të detyrës shtetasin K.M., me funksion arkitekt pranë Bashkisë Vlorë”,-sqaron policia.
Materialet iu referuan Prokurorisë në ngarkim të secilit për veprime të mëtejshme.
