Ngjarja që tronditi Kavajën, pak orë pas mesnatës, ka motiv një xhelozi të viktimës, Dritan Haxholli, ndaj ish-të dashurës me iniciale M.Q.
Efektivi i policisë së burgjeve Bledar Toci 36 vjeç po qëndronte në banesën e gruas së martuar por me burrin emigrant në Itali, së bashku me dy persona të tjerë. Dritan Haxholli, i cili kishte lidhje intime me M.Q është informuar rreth këtij fakti dhe është nisur drejt banesës me kallashnikov.
Në momentin kur Haxholli është futur në banesë i armatosur me kallashnikov para tij ka dalë polici i burgjeve Bledar Toci dhe ka tentuar ta ndalë, por i dashuri i vajzës e ka qëlluar duke e plagosur. Në këto kushte polici ka nxjerrë armën e shërbimit pistoletë dhe ka qëlluar në drejtim të Haxhollit duke e lënë të vdekur.
Burime nga policia, bënë me dije se Bledar Toci ka marrë ndihmën e parë në spitalin e Durrësit dhe më pas është transportuar në spitalin e Traumës në Tiranë ku mëosohet se ndodhet jashtë rrezikut për jetën.
