Vangjel Alla, 41 vjeç, ishte vëllai i kryetarit të Bashkisë në Bulqizë, informacion që u mësua pas plagosjes së tij në Bulqizë një ditë më parë.
Ai u dergua në Spitalin Rajonal të Bulqizës në orët e para të së mërkurës, pasi në trup kishte një plagë të shkaktuar me armë zjarri.
Por, i vellai i të plagosurit mohon që ngjarja të ketë lidhje me të. Kryetari i Bashkisë së Bulqizës, Lefter Alla, shprehet se ngjarja ku vëllai i tij mbeti i plagosur me armë zjarri, nuk ka lidhje me postin e tij.
47-vjeçari që ka marrë mandatin e kryetarit të bashkisë në fillim të muajit Gusht, thotë se gjithçka ka qenë një konflikt i çastit. Lefter Alla ishte një nga të paktët kryetarë bashkie që mori detyrën në mënyrë “paqësore”.
