Disa ndërhyrje në parkun e njohur “Rinia” në Tiranë, ka irrituar së shumti banorët e Tiranës, të cilët janë ndeshur me pamje katastrofale.
E gjitha bëhet për një rehablitim të zonës, por fotot tregojnë një kaos, pasi kjo është hera e parë që në parkun Rinia fotografohen dëmtime të gjelbërimit prej projektit që u propagandua se do të bënte të kundërtën.
Që prej muajit korrik zona është e rrethuar dhe qytetarët nuk kanë patur akses në të. Aty punohet për një projekt rehabilitues, i cili në fakt pritet të betonizojë një pjesë të konsiderueshme të parkut duke krijuar relieve dhe sheshe.
Prej rreth 20 vitesh, Parku Rinia nuk ka patur ndryshime pozitive për sa i përket gjelbërimit. Ndërkohë shumëkush e ka parë atë si mundësi për biznes duke kërkuar dhe përfituar edhe koncesion parkingu nëntokësor.
Në fakt projekti aktual i rehabilitimit po bëhet përpara ndërtimit të këtij parkingu, i cili u dha me koncesion në vitin 2015 nga kryebashkiaku Erion Veliaj.
