Policia ka dalë me deklaratën zyrtare pas ngjarjes se rende te ndodhur ne Vlore. Burime zyrtare, konfirmojne plagosjen e dy grave nga një 27 vjeçar.
Sipas policise, i riu goditi me sëpatë vajzën dhe bashkëshorten e xhaxhait, ndërsa blutë kanë arrestuar dhe shoqëruar autorin në ambientet e komisariatit.
Njoftimi i policisë:
Kapet dhe shoqërohet në Polici për veprime të mëtejshme autori i ngjarjes në Gumenicë të Selenicës. Rreth orës 19:00, në fshatin Gumenicë e Vjetër të Selenicës, pas një konflikti për motive të dobëta shtetasi M.Ç, ka goditur me sende të forta vajzën dhe bashkëshorten e xhaxhait të tij, të cilat janë transportuar për në spital pa probleme për jetën.
Policia ka shkuar menjëherë në vendin e ngjarjes dhe pas kontrollit të zonës përreth ka bërë të mundur kapjen dhe shoqërimin e 27 vjeçarit M.Ç, si autor i dyshuar në lidhje me ngjarjen. Po punohet për sqarimin dhe zbardhjen e rrethanave të mëtejshme të ngjarjes.
