Janë zbuluar detaje të reja nga gjetja e kufomës sot në Hidrocentralin e Rrapunit.
Kufoma i përket 27-vjeçarit B.K. Identifikimi i tij u bë në morgun e Spitalit të Librazhdit. Nga konstastimi i mjekëve, konfirmohet se në trup nuk ka shenja dhune.
I riu kishte hyrë në mëngjes në hidrocentral dhe kur digat u hapën, shkarkimi i ujërave nxorri trupin e tij.
INFORMACION PARAPRAK
Në lidhje me informacionin e dhënë nga roja i digës së HEC-it të Rrapunit, Librazhd se gjatë mbrëmjes së djeshme një shtetas ishte futur në hidrocentral dhe nuk ka dalë më, Policia ka shkuar menjëherë në vendngjarje dhe ka nisur kërkimet.
Shërbimet e Komisariatit të Policisë Librazhd në bashkëpunim me punonjësit e HEC-it është bërë e mundur gjetja dhe nxjerrja e trupit të shtetasit B .K., 27 vjeç, banues në Njësinë Administative Lunik, Librazhd.
Nga këqyrja paraprake e kufomës nuk janë konstatuar shenja dhune apo dëmtime të shkaktuara nga ndonjë faktor tjetër.
Grupi hetimor po punon për zbardhjen e plotë të rrethanave të ngjarjes.
