Thirrja “Rama Ik” u bë e famshme gjatë protestave të opozitës për muaj me radhë, teksa papritur u kthye si në një himn për qytetarët e pakënaqur me qeverisjen e kryeministrit socialist.
Ende sot, ky togfjalësh vazhdon të përdoret. Ish-deputetja e LSI-së, Kejdi Mehmetaj ka publikuar një video sipas saj në një nga klubet e natës në Tiranë ku dëgjohen thirrjet: “Rama ik”.
Sipas saj, edhe kur të rinjtë dalin për të dëfryer mendjen e kanë tek largimi i kryeministrit, duke shtuar se durimit i ka ardhur fundi.
“Kur ke bërë aq shumë dëme, sa edhe pse të rinjtë dalin për të dëfryer, mendjen e kanë tek largimi yt! Durimit i ka ardhur FUNDI! #RamaIk Video është regjistruam mbrëm në një prej club-eve të Tiranës”, shkruan ajo.
