Ish-deputeti Ervin Salianji ka bërë një krahasim të gjendjes së vendit tonë me investimet përballë me vendet e tjera fqinje, duke u ndikuar nga takimi me një prej figurave të njohura të Maqedonisë.
Salianji, ka takuar ministrin për investimet e huaja në Maqedoninë e Veriut, Bardhyl Dauti. Duke postuar në “Facebook” një foto krah ministrit maqedonas, Salianji shprehet se Maqedonia e Veriut, ndonëse një shtet me probleme në shtetformim dhe ndërtim institucionesh, i ka rritur me 200% investimet e kompanive të huaja.
“Për fat të keq, shkruan Salianji, në Shqipërinë tonë që e duam dhe na dhemb të gjithë shqiptarëve, në çdo anë kufijsh janë larguar kompani prestigjioze dhe kudo ekzistojnë vetëm PPP e zhvatjes së qytetarëve”.
“Me Bardhyl Dautin, Ministër për investimet e huaja në Maqedoninë e Veriut 🇦🇱 🇲🇰 Në çdo rast dhe pavarësisht prej bindjeve partiake apo ideologjikë investimi tek njerëzit e dijes dhe me formim perëndimor është i duhuri.
Maqedonia e Veriut një shtet me problemet e veta në shtetformim dhe ndërtim institucionesh i ka rritur me 200% investimet e kompanive të huaja. Pothuajse çdo markë ndërkombëtare është e pranishme, mijëra vende pune janë hapur nga kompani prestigjoze ndërkombëtare.
Për fat të keq në Shqipërinë tonë që e duam dhe na dhemb të gjithë shqiptarëve në çdo anë kufijsh janë larguar kompani prestigjoze që operonin në banka, telekomunikacion, hoteleri, hidrokarbure. Kudo ekzistojnë vetëm PPP e zhvatjes së qytetarëve dhe largimi masiv i shqiptarëve drejt emigracionit”, shkruan Salianji.
