Një aksident i rëndë ka ndodhur në Durrës, ku një këmbësor është përplasur nga treni. Sipas të dhënave paraprake, ngjarja ka ndodhur rreth orës 15:30, pranë një bari të njohur në qytetin e Durrësit, ku treni ka marrë para një burrë.
Në vendin e ngjarjes ka mbërritur policia dhe një ambulancë që ka transportuar të plagosurin në spital. Sipas mjekëve gjendja e tij është e rëndë.
Informacion Paraprak
Më datë 30.07.2019, rreth orës 14:50, në lagjen Nr.4 Durrës, një shtetas rreth 35 vjeç , ende i paidentifikuar, është aksidentuar nga treni.
Ai u transportua në spital ku ndodhet nën kujdesin e mjekëve. Grupi Hetimor ndodhet në vendngjarje dhe po punon për zbardhjen e plotë të kësaj ngjarje.
