Prej disa ditësh, Ilda Bejleri është kthyer ne qender të mediave rozë, kjo për shkak të informacioneve që qarkulluan në rrjet se ajo është larguar nga Digitalb.
Ilda e ka pranuar largimin nga “Digitalb”. Në një intervistë për “Gazeta Shqiptare”, Ilda është shprehur se do të jetë këtë sezon në një emision në “Top Channel”. Por Ilda nuk ka zbuluar detaje nga ky emision.
Moderatorja ka thënë se do ta mbajë sekret emisionin sepse do të jetë një surprizë për publikun. Ndërkaq, ajo ka folur dhe për sherrin me Shakohoxhën. Shkak i sherrit u përfol se ishte bërë fakti që Ilda kishte një protagonizëm të madh.
“Natyrisht që do isha protagoniste, kam 11 vjet në Digitalb. Besoj se protagoniste kam qenë në fushën time në atë që di të bëj më mirë. Mendoj që shpërblimin e publikut e kam të merituar”, është shprehur Ilda.
