Lulzim Basha ka vijuar me aksionet e tij, ndërsa prej ditësh është angazhuar në takime me qytetarë dhe simpatizantë të PD. Teksa ka mbledhur mesditën e sotme kryesinë e PD-së, mësohet se Basha ka kërkuar që të vijojnë takimet me qytetarët edhe gjatë verës.
Kryetari i PD Lulzim Basha në fjalën e tij në selinë blu tha se situata aktuale politike është komplekse, duke thënë se 85 përqind e shqiptarëve refuzuan të shkojnë në votime në 30 qershor.
Basha u shpreh se Ramën e ka refuzuar edhe PS-ja. Ai vlerësoi se PD në këtë moment nuk duhet të jetë euforike.
“Nuk duhet të jemi euforikë. Duhet të bëjmë takime në çdo degë. Do të merremi me organizimin e partisë”, tha ai ndër të tjera.
Lulzim Basha theksoi se PD-së tashmë i duhet dhënë një dimension i ri. Ai nënvizoi se energjinë refuzuese duhet ta kthejmë në pozitive, duke shpalosur alternativën.
