Inspektorë të Mjedisit nga Tirana, të ndodhur për inspektim në Bulqizë janë qëlluar me armë mbrëmjen e sotme.
Sipas Balkanweb dhe nje prej inspektorëve që ishin pjesë e inspektimit behet e ditur se në drejtim të makinës me të cilën udhëtonin katër inspektorët, kanë qëlluar kete mbremje, persona ende të paidentifikuar.
“BalkanWeb” mëson gjithashtu se bashkë me inspektorët nga Tirana kishin shkuar për kontroll në Tërnovë të Bulqizës edhe inspektorë të Dibrës.
Nga plumbat asnjë prej tyre fatmirësisht nuk është lënduar, por mësohet se ngjarja ka ndodhur fill pasi inspektorët kanë pikasur një kamion që transportonte lëndë drusore kontrabandë.
